出帆的前夜

《出帆的前夜》Tshut-phâng ê Tsiân-iā
陳芬蘭Tân Hun-lân

為著欲離開
uī-tio̍h beh lī-khui
親愛的姊妹花
tshin-ài ê tsí-muē-hua
相招出去看電影
sio-tsio tshut-khì khuànn tiān-iánn
悶悶相𤆬行
būn-būn sio-tshuā kiânn
一心想欲
it-sim siūnn-beh
一心想啊
it-sim siūnn--ah
實在無心情
si̍t-tsāi bô-sim-tsiânn
心也袂安定
sim iā buē an-tiānn
啊~這就是憂悶無味
ah~ tse tsiū-sī iu-būn bô-bī
出帆的前夜
tshut-phâng ê tsiân -iā

大姊對我講
tuā-tsí tuì guá kóng
伊欲去拍拼
i beh khì phah-piànn
叫我讀冊拼頭名
kiò guá tha̍k-tsheh piànn thâu-miâ
安慰伊心情
an-uì i sim-tsiânn
阿姊心酸淚滿目墘
a-tsí sim-sng-luī muá ba̍k- kînn
絚絚抱著我
ân-ân phō tio̍h guá
強欲吼出聲
kiōng-beh háu tshut-siann
啊~這就是意難捨
ah ~ tse tsiū-sī ì lân-siá
出帆的前夜
tshut-phâng ê tsiân-iā

天星光爍爍
thinn-tshinn kng sih-sih
照在門口埕
tsiò tsāi mn̂g-kháu-tiânn
遠遠雺霧罩山坪
hn̄g-hn̄g bông-bū tà suann-phiânn
杜蚓唱悲歌
tōo-ún tshiùnn pi- kua
姊妹雙人踮在窗邊
tsí-muē siang-lâng tiàm-tsāi thang-pinn
戇戇相對看
gōng-gōng sio-tuì-khuànn
吐氣嘆運命
thóo-khuì thàn ūn-miā
啊~這就是忍痛離開
ah~ tse tsiū-sī jím-thòng lī-khui
出帆的前夜
tshut-phâng ê tsiân-iā