港邊的孤兒

《港邊的孤兒》Káng-pinn ê Koo-jî
陳芬蘭Tân Hun-lân

聽船螺汽笛聲
thiann tsûn lê khì-ti̍k siann
孤單一個來港邊
koo-tuann tsi̍t-ê lâi káng-pinn
今仔日又看無一個
kia̋nn-ji̍t iū khuànn-bô tsi̍t-ê
阮所捌的人
gún sóo pat ê lâng
阮是可憐的孤兒
gún sī khó-lîn ê koo-jî
無依無倚的孤兒
bô-i-bô-uá ê koo-jî
只有港邊的海鳥
tsí-ū káng-pinn ê hái-tsiáu
做阮的陪伴
tsuè gún ê puê-phuānn

來港邊看景緻
lâi káng- pinn khuànn kíng-tì
一群一群的孩兒
tsi̍t-kûn tsi̍t-kûn ê hâi-jî
逐個都真是幸福
ta̍k-ê to tsin sī hīng-hok
有爸母做伴
ū pē-bú tsuè-phuānn
爸母的面也毋知
pē-bú ê bīn iā m̄-tsai
無依無倚的孤兒
bô-i-bô -uá ê koo-jî
予我若是來想起
hōo guá nā-sī lâi siūnn-khí
目箍也會紅
ba̍k-khoo iā ē âng

雖然是做夢想
sui-jiân sī tsuè bāng-siūnn
夢想將來有一日
bāng-siūnn tsiong-lâi ū tsi̍t-ji̍t
來做著行船的人
lâi tsuè tio̍h kiânn -tsûn ê lâng
坐船出洋去
tsē-tsûn tshut-iûnn khì
在港邊長大孤兒
tsāi káng-pinn tióng-tuā koo-jî
無依無倚的孤兒
bô-i-bô-uá ê koo-jî
暗暝思念爸母親
àm-mî su-liām pē-bú-tshin
孤單心傷悲
koo- tuann sim siong-pi