心愛彼個伴

作詞：沈建豪
作曲：沈建豪

黃昏的淡水河邊是咱紀念的日子
作陣搧海風的滋味心內是甜蜜又歡喜
手牽手坐惦海邊是咱約束的日子
作陣飲咖啡的滋味心肝頭漸漸醉
彼時陣我哪會無勇氣對妳講一句我愛妳
攏怪我對妳無表示害妳面紅紅憨神憨神

日落黃昏的情意心心相印情綿綿
嘸驚冷風凍心肝雙人有熱情袂畏寒
唱著初戀的情歌請妳放心跟阮行
妳是我妳是我妳是我心內彼個伴甲妳惜命命

7427/《心愛彼個伴》Sim-ài Hit ê Phuānn
沈建豪Sím Kiàn-hô

黃昏的淡水河邊
hông-hun ê Tām-tsuí-hô pinn
是咱紀念的日子
sī lán kì-liām ê ji̍t-tsí
做陣搧海風的滋味
tsuè-tīn siàn hái-hong ê tsu-bī
心內是甜蜜又歡喜
sim-lāi sī tinn-bi̍t iū huann-hí

手牽手坐踮海邊
tshiú khan-tshiú tsē tiàm hái-pinn
是咱約束的日子
sī lán iok-sok ê ji̍t-tsí
做陣啉咖啡的滋味
tsuè-tīn lim ka-pi ê tsu-bī
心肝頭漸漸醉
sim-kuann-thâu tsiām-tsiām tsuì

彼時陣我哪會無勇氣
hit-sî-tsūn guá ná ē bô ióng-khì
對你講一句我愛你
tuì lí kóng tsi̍t-kù guá ài lí
攏怪我對你無表示
lóng kuài guá tuì lí bô piáu-sī
害你面紅紅戇神戇神
hāi lí bīn âng-âng gōng-sîn-gōng-sîn

日落黃昏的情意
ji̍t-lo̍h hông-hun ê tsîng-ì
心心相印情綿綿
sim-sim siong-ìn tsîng mî-mî
毋驚冷風凍心肝
m̄-kiann líng-hong tàng sim-kuann
雙人有熱情袂畏寒
siang-lâng ū jia̍t-tsîng buē uì- kuânn

唱著初戀的情歌
tshiùnn tio̍h tshoo-luân ê tsîng-kua
請你放心綴阮行
tshiánn lí hòng-sim tuè gún kiânn
你是我
lí sī guá
你是我
lí sī guá
你是我心內彼個伴
lí sī guá sim-lāi hit ê phuānn
共你惜命命
kā lí sioh-miā-miā