心爱彼个伴

作词：沈建豪
作曲：沈建豪

黄昏的淡水河边　是咱纪念的日子
作阵搧海风的滋味　心内是甜蜜又欢喜
手牵手坐惦海边　是咱约束的日子
作阵饮咖啡的滋味　心肝头渐渐醉
彼时阵我哪会无勇气　对妳讲一句我爱妳
拢怪我对妳无表示　害妳面红红憨神憨神

日落黄昏的情意　心心相印情绵绵
呒惊冷风冻心肝　双人有热情袂畏寒
唱着初恋的情歌　请妳放心跟阮行
妳是我　妳是我　妳是我心内彼个伴　甲妳惜命命

7427/《心爱彼个伴》Sim-ài Hit ê Phuānn
沈建豪Sím Kiàn-hô

黄昏的淡水河边
hông-hun ê Tām-tsuí-hô pinn
是咱纪念的日子
sī lán kì-liām ê ji̍t-tsí
做阵搧海风的滋味
tsuè-tīn siàn hái-hong ê tsu-bī
心内是甜蜜又欢喜
sim-lāi sī tinn-bi̍t iū huann-hí

手牵手坐踮海边
tshiú khan-tshiú tsē tiàm hái-pinn
是咱约束的日子
sī lán iok-sok ê ji̍t-tsí
做阵啉咖啡的滋味
tsuè-tīn lim ka-pi ê tsu-bī
心肝头渐渐醉
sim-kuann-thâu tsiām-tsiām tsuì

彼时阵我哪会无勇气
hit-sî-tsūn guá ná ē bô ióng-khì
对你讲一句我爱你
tuì lí kóng tsi̍t-kù guá ài lí
拢怪我对你无表示
lóng kuài guá tuì lí bô piáu-sī
害你面红红戆神戆神
hāi lí bīn âng-âng gōng-sîn-gōng-sîn

日落黄昏的情意
ji̍t-lo̍h hông-hun ê tsîng-ì
心心相印情绵绵
sim-sim siong-ìn tsîng mî-mî
毋惊冷风冻心肝
m̄-kiann líng-hong tàng sim-kuann
双人有热情袂畏寒
siang-lâng ū jia̍t-tsîng buē uì-kuânn

唱着初恋的情歌
tshiùnn tio̍h tshoo-luân ê tsîng-kua
请你放心缀阮行
tshiánn lí hòng-sim tuè gún kiânn
你是我
lí sī guá
你是我
lí sī guá
你是我心内彼个伴
lí sī guá sim-lāi hit ê phuānn
共你惜命命
kā lí sioh-miā-miā