流浪小歌女

離開著父母身邊異鄉過日子
每日來唱歌賺錢雖然心稀微
有時也真像花枝順風搖動笑嘻嘻
阮就是可愛的流浪小女兒

露水滴無聊深更孤單看天星
想起著故鄉代誌不覺心酸悲
只有是月色含情對阮安慰獻柔意
阮就是寂寞的流浪小女兒

無論是海角天邊不管好歹天
坐馬車搖來搖去流動無停時
只好是放舍愁容歡歡喜喜唱歌時
阮就是快樂的流浪小女兒