愛情雨

作詞：蕭煌奇/陳莉莉
作曲：蕭煌奇
編曲：胡官宏

昨暝的月光留著咱兩人的溫存你躺惦阮身邊聽阮說話說整眠
阮聽你甜蜜的聲音甲那款溫柔的表情
親像是天上的仙女嘛親像當開的花蕊那呢啊水

＊長長的海岸只有咱兩人在唱歌
咱踏著輕輕鬆鬆的腳步逗陣吹海風逗陣享受快樂
沉靜的街路只有咱兩人的幸福
這世人阮要甲你照顧阮會甲你保護咱要永遠作夥走同路

＃咱兩人渥到一陣愛情雨甜甜酸酸又苦苦
今生你是阮的最愛咱要用真心來對待
不管是天光也天黑好天也落雨
春夏秋冬安怎變化咱的心是沒替換永遠黏相偎

Repeat ＊,＃

不論按怎咱要永遠作伴永遠要黏相偎

《愛情雨》Ài-tsîng Hōo
蕭煌奇Siau Hông-kî

昨暝的月光
tsa-mî ê ge̍h-kng
留著咱兩人的溫存
lâu tio̍h lán nn̄g-lâng ê un tsûn
你䖙踮阮身邊
lí the tiàm gún sin-pinn
聽阮講話講規暝
thiann gún kóng-uē kóng kui-mî
阮聽你甜蜜的聲音
gún thiann lí tinn-bi̍t ê siann-im
佮彼款溫柔的表情
kah hit khuán un-jiû ê piáu-tsîng
親像是天頂的仙女
tshin-tshiūnn sī thinn-tíng ê sian-lí
嘛親像當開的花蕊
mā tshin-tshiūnn tng khui ê hue-luí
遐爾仔媠
hiah-nī-á suí

長長的海岸
tn̂g-tn̂g ê hái-huānn
只有咱兩人咧唱歌
tsí-ū lán nn̄g-lâng leh tshiùnn-kua
咱踏著輕輕鬆鬆的跤步
lán ta̍h-tio̍h khin-khin-sang-sang ê kha-pōo
鬥陣吹海風
tàu-tīn tshue hái-hong
鬥陣享受快樂
tàu-tīn hiáng-siū khuài-lo̍k

沉靜的街路
tîm-tsīng ê ke-lōo
只有咱兩人的幸福
tsí-ū lán nn̄g-lâng ê hīng-hok
這世人阮欲共你照顧
tsit-sì-lâng gún beh kā lí tsiàu-kòo
阮會共你保護
gún ē kā lí pó-hōo
敢會永遠做夥行仝路
kám ē íng-uán tsò-hué kiânn kāng lōo

咱兩人沃著一陣愛情雨
lán nn̄g-lâng ak tio̍h tsi̍t-tsūn ài-tsîng hōo
甜甜酸酸又苦苦
tinn-tinn sng-sng iū khóo-khóo
今生你是阮的最愛
kim-sing lí sī gún ê tsuè-ài
咱愛用真心來對待
lán ài iōng tsin-sim lâi tuì-thāi
毋管是天光抑天烏
m̄-kuán sī thinn kng ia̍h thinn oo
好天抑落雨
hó-thinn ia̍h lo̍h-hōo
春夏秋冬按怎變化
tshun-hā tshiu-tang án-tsuánn piàn-huà
咱的心是袂替換
lán ê sim sī buē thè-uānn
永遠黏相倚
íng-uán liâm sio-uá

無論按怎
bô-lūn án-tsuánn
咱欲永遠做伴
lán beh íng-uán tsuè-phuānn
永遠愛黏相倚
íng-uán ài liâm sio-uá