基隆屿ㄟ港口

作词：林良哲
作曲：陈明章
编曲：淡水走唱团

阮ㄟ日子是一点一滴ㄟ雨水　滴伫窗外　那棕相思ㄚㄟ树枝
阮ㄟ一生是起起落落ㄟ风雨　行过火车站　行到观音妈ㄟ面前

故乡海边ㄟ砂　画著阮少年时代ㄟ梦
故乡山顶ㄟ月　是阮写乎爱人ㄟ批
思念是一条路　这呢ㄚ远　行过都市ㄟ生活　妳甘抹酸
思念是一条路　这呢ㄚ远　这个看到基隆屿ㄟ港口　乎阮暗暝ㄚ等妳到天光

------------------------------------------

《基隆屿的港口》Ke-lâng-sū ê Káng-kháu
陈明章Tân Bîng-tsiong

阮的日子
gún ê ji̍t-tsí
是一点一滴的雨水
sī tsi̍t-tiám-tsi̍t-tih ê hōo-tsuí
滴伫窗仔外
tih tī thang-á-guā
彼欉相思仔的树枝
hit tsâng siunn-si-á ê tshiū-ki
阮的一生
gún ê it-sing
是起起落落的风雨
sī khí-khí-lo̍h-lo̍h ê hong-ú
行过火车站
kiânn kuè hué-tshia-tsām
行到观音妈的面前
kiânn kàu kuan-im-má ê bīn-tsîng

故乡海边的砂
kòo-hiong hái-pinn ê sua
画著阮少年时代的梦
uē tio̍h gún siàu-liân sî-tāi ê bāng
故乡山顶的月
kòo-hiong suann-tíng ê gue̍h
是阮写予爱人仔的批
sī gún siá hōo ài-jîn-á ê phue

思念是一条路
su-liām sī tsi̍t-tiâu lōo
遮尔仔远
tsiah-nī-á hn̄g
行过都市的生活
kiânn kuè too-tshī ê sing-ua̍h
你敢袂酸
lí kám bē sng

思念是一条路
su-liām sī tsi̍t-tiâu lōo
遮尔仔远
tsiah-nī-á hn̄g
这个看着基隆屿的港口
tsit ê khuànn-tio̍h Ke-lâng-sū ê káng-kháu
予阮暗暝仔等你到天光
hōo gún àm-mî-á tán lí kàu thinn-kng