無出脫的人

作詞：Yolo
作曲：Yolo

(無出脫的人Bô tshut-thuat ê lâng)

Chorus1
猶原希望呀望原來是夢呀夢
iû-guân hi-bāng--iah-bāng guân-lâi sī bāng--iah-bāng

愛我一生平凡我哪會甘願
ài guá it-sing pîng-huân guá ná-ē kam-guān

親愛的請你著原諒我
tshin-ài--ê tshiánn-lí tio̍h guân-liōng guá

Verse1
歹勢啦阮又閣予你煩惱矣
pháinn-sè--lah gún iū-koh hōo-li huân-ló--ah

阮又閣予你失望矣
gún iū-koh hōo-li sit-bōng--ah

閣一遍蹧躂你的期待
koh tsı̍t-piàn tsau-that lí ê kî-thāi

歹勢啦生活充滿著無奈
pháinn-sè--lah sing-ua̍h tshiong-buán--tio̍h bô-nāi

凡勢你委屈在心內毋捌講出來
huān-sè lí uí-khut tsāi sim-lāi m̄-bat kóng--tshut- lâi

Pre Chorus
看日子一工一工過去有偌無彩
khuànn ji̍t-tsí tsi̍t-kang-tsi̍t-kang kuè-khì ū guā bô-tshái

今日又期待明仔載
kim-ji̍t iū kî-thāi miâ-á-tsài

暗時毋甘困早時毋敢起床
àm-sî m̄-kam khùn tsái- sî m̂-kánn khí-tshn̂g

驚又閣仝款的一工
kiann iū-koh kâng-khuán ê tsi̍t-kang

Chorus2
猶原希望呀望敢講是夢呀夢
iû-guân hi-bāng--iah-bāng kám-kóng sī bāng--iah-bāng

成功雖然遙遠我也會努力
sîng-kong sui -liân iâu-uán guá iá-ē lóo-li̍k

只有目屎含咧笑予人看
tsí-ū ba̍k-sái kâm--leh tshiò hōo-lâng khuànn

猶原希望呀望原來是夢呀夢
iû-guân hi-bāng--iah-bāng guân-lâi sī bāng--iah-bāng

愛我一生平凡我哪會甘願
ài guá it-sing pîng-huân guá ná-ē kam-guān

親愛的請你著原諒我
tshin-ài--ê tshiánn-lí tio̍h guân-liōng guá

無出脫的人
bô tshut-thuat ê lâng

Verse2
歹勢啦我從來毋是乖囡仔
pháinn-sè--lah guá tsiông-lâi m̄ -sī kuai-gín--á

阮總是古意又頇顢
gún tsóng-sī kóo-ì iū han-bān

跤步較重也一步步行
kha-pōo khah-tāng iā tsı̍t-pōo-pōo kiânn

Pre Chorus

Chorus2

Bridge
就算到尾來攏無彩工
tiō-sǹg kàu-bué--lâi lóng bô-tshái-kang
我也會家己承擔啊～
guá iā-ē ka-kī sîng-tam ah
只有閣相信家己一擺
tsí-ū koh siong-sìn ka-tī tsı̍t-pái

Chorus2

Outro
我毋敢向望也毋甘你等待我
guá m̄-kánn ǹg-bāng iā m̄-kam lí tán-thāi guá
我心愛的人
guá sim-ài ê lâng