無聊的異鄉

作詞：葉俊麟

(一)
尋找著心愛的人跳出故鄉到這位孤一個站在橋邊
心情茫茫流珠淚你彼日為著怎樣沒講半句來離開
啊~~無情的~無情的異鄉城市今夜又是罩著茫霧
(二)
聽見著心愛的人站在這位做頭路離開著父母身邊
不驚什麼風或雨真無疑找伊袂著一心為伊來耽誤
啊~~冷淡的~冷淡的異鄉城市今夜又是罩著茫霧
(三)
思念著心愛的人昔日對阮的溫柔伊若知阮的環境
也會替阮心擔憂到何時才會找到愈想心裡愈憂愁
啊~~無聊的~無聊的異鄉城市今夜又是罩著茫霧