最緊要抓銀

作詞：朱錦春
作曲：許冠傑

人其實天生鍾意搲銀愈搲得多隻手會更痕
抽筋我唔怕總好過成世踎登

成日諗因乜解究手緊我朝朝早都走去拜神
通宵我唔瞓皆因我成晚都諗

我想執返幾蚊走去學人賣魚蛋粉
其實搲水好簡單最驚會炒粉

我做人系搏命勤力無靠呃氹襟得瘀又抵得諗仲夠曬大份
我又唔係有事唔做搏個天冧點解仍然係要我大力咁揼

人哋就數錢數到抽筋我偏偏執錢都會見暈
週街四圍kwung 手緊各人會關心

成日諗因乜解究手緊我朝朝早都走去拜神
通宵我唔瞓皆因我成晚都諗

我想炒樓炒金衰起上嚟又唔夠運
其實搲水好簡單最慘夾硬啃

我做人系搏命勤力無靠呃氹襟得瘀又抵得諗仲夠曬大份
我又唔係有事唔做搏個天冧點解仍然係要我大力咁揼

其實我天生鬼咁滋陰成日要揸起宗旨見人
掠水我唔慣搲銀我全靠軍真
掠水我唔慣搲銀我全靠軍真