打工仔

作詞：梁渭民
作曲：彭健新

日以繼夜死搏，打工仔點至得快樂，工夫多多，我失魂落魄。
重要格外醒覺，些少差錯面會落，波士開審，比虎狼重惡。
公司職工只識去將懶學，彼此之間虛虛詐，心冷漠。
個個走精邊，勾心搏亂又鬥角，有錯我擔起，皆因我未曉卸膊。
做到眼淚一勺，把幾火將個頭猛鑿，蚊螆噉聲，冇抑揚頓挫。
膚色蒼蒼，身軀似一隻鶴，疏忽關心，嬌妻已遭冷落。
打工一生，辛苦搏命又氣索，想找生機，必須靠自己振作。
現我靠自己搏，雖辛苦總覺得快樂，打工仔想轉變，必須開始振作，打工仔想轉變，必須開始振作。