空中廚房

今日恆春兮欲為您介紹兮是一道真簡單兮菜，炒四物雞、炒四物雞。
首先咱愛準備兮是四物兮中藥包、四物兮中藥包。超市、大賣場
或者是中藥行攏有得賣。過來是雞也一隻，咱欲買雞也上好是
揀要有附帶法醫驗屍報告，一刀無命兮雞也，焉爾才未去吃到雞也癌兮雞也。
炒四物雞兮做法，首先將雞也兮屍體給提來，提菜刀將雞也兮屍體剁做十八塊
(刀擊砧板、慘叫聲)。敗勢、敗勢、敗勢！我是置得模仿雞也去予菜刀剁著那種感覺，
不是我兮手去予菜刀剁著。咱聽眾朋友若來作這道菜，也要注意甭去予菜刀傷到。
這雞也屍體剁了後，將屍體一塊一塊，摻著四物藥包放入去鼎內底，
火給點落去，呵呵，別人兮節目攏是講予您聽，今日恆春兮特別置現場
展功夫炒予您看。喔！您看未著，不過用聽兮亦真好啦！耳孔挖予利利，
開始囉！ ..............(尾聲)奇怪？哪會有臭火焦兮味，
夭壽哦，四物雞遂無下水啦，哇，攏臭火焦去呀！