數波波

作詞：呂明光
作曲：古曲

(嗱朋友乜嘢叫做波呢
波有好多種你聽住啦)
我咪埋雙眼數波波如要數齊有千萬個
(波就即係球球就即係波
總之好多波波)
嗱咪話圓形啲波就任你摸有時你摸下會犯差錯㗎
(排球籃球可以任你摸足球一摸呀十二碼都有份呀)
有啲波鬱下見閻羅睇落個形格嘩似個大菠蘿
(咪話見波就摸菠蘿即係炸彈
一摸哼好容易報到咋)
有種波勁過上海婆攬爆責傷嘩嚇到你傻
(呢一種就叫做欖球美國叫做football
無咁上下大隻就唔好逗呀)
嗱一年到晚就唧波波成晚唧埋有幾萬個
(呢一種就叫做魚蛋鬼佬就叫做fishball
系用九棍魚嚟打嘅)
嘩迷魂秋波甚惹火系美人獨有嘅絕招貨
(呢一啲就叫做拋媚眼即係無形波
迷死好多男人㗎)
有啲波需要計幾何搏命狂隊呀正一大泡和
(呢啲叫做台波即係士碌架
大力咁隊盞搓箍)
又有種波用棒一鋤吼正個窿至慢慢鋤
(呢啲叫做高爾夫球即係身份嘅象徵
唔容易打㗎)
嘩有啲毛笙笙疏疏地嘅又叫波我兩頭摸過嘩又係堅㗎㖞
(你哋唔好心邪呀呢啲叫做羽毛球
雖然得幾條毛毛都夠彈力㗎)
一男一女去打波波成晚打完隻手會攰㗎㖞
(呢啲叫做保齡球好重㗎嘛
成晚咁打梗手軟啦)
有啲波喺肚內佗三號懸掛要買定姜磨
(有身紀就即係扯風波扯風波即係肚大咗)
有咁多波講到我都傻有數錯我都無奈何