哀愁風雨橋
洪榮宏 (Chris Hung)
哀愁風雨橋 歌詞
為怎樣全然不知，女性的心情
見面你就來罵阮，做人無正經
心愛的，愛分明，一切為你來犧牲
阮猶原，阮猶原，阮猶原等你返來
快樂過一生，那通放阮徘徊著
哀愁的風雨橋。
懷抱著悲情苦悶，離開伊身邊
自暴自棄的男性，找著燒酒味
心愛的，阮不信，你會辜負阮情意
枉費阮，枉費阮，枉費阮滿腹期待
愈想愈悲哀，無聊又來懷念著
哀愁的風雨橋。
有誰來了解著阮，滿腹的悲哀
自嘆自恨傷心淚，一直流出來
心愛的，緊返來，何必對阮氣猜猜
你全無，你全無，你全無體貼女性
實在不應該，又來迫阮徘徊著
哀愁的風雨橋。