男兒哀歌

作詞：葉俊麟
作曲：洪一峰

船螺聲音交響著酒場小吹聲

港都又是船入港回復歡樂影

酒是不倒來嗎無醉我不行

你我乾杯驚什麼何必著來驚

你甲我不過是同款的運命

吉他哀調提醒我滿腹的恨火

舊情何必再想起已經不重回

曲是不奏來嗎隨便無問題

你我合唱唱什麼你唱我就跟

你甲我趁今宵盡量開心花

酒女面容那親像可愛冤仇人

酒場歸暝鬧無停迷醉人幻夢

你是不偎來嗎要送我出帆

你我乾杯笑什麼何必帶苦痛

你甲我愛輕鬆互相知輕重

------- -----------------------------------

《男兒哀歌》Lâm-jî Ai- kua
洪一峰Âng It-hong

船螺聲音交響著
tsûn-lê siann-im kau-hióng tio̍h
酒場小吹聲
tsiú-tiûnn sió- tshe siann
港都又是船入港
káng-too iū sī tsûn ji̍p-káng
回復歡樂影
huê-ho̍k huan-lo̍k iánn
酒是毋倒來嗎？
tsiú sī m̄ tò--lâi mah?
無醉我毋行
bô tsuì guá m̄-kiânn
你我乾杯驚啥物
lí guá kan-pue kiann siánn-mi̍h
何必著來驚
hô-pit tio̍h lâi kiann
你佮我不過是
lí kah guá put-kò sī
仝款的運命
kāng-khuán ê ūn -miā

吉他哀調提醒我
gì-tah ai-tiāu thê-tshínn guá
滿腹的恨火
muá-pak ê hūn-hé
舊情哪著再想起
kū-tsîng ná tio̍h tsài siūnn khí
已經不重回
í-king put tiông-huê
曲是毋奏來嗎？
khik sī m̄ tsàu--lâi-mah?
隨便無問題
suî-piān bô būn-tuê
你我合唱唱啥物
lí guá ha̍h-tshiùnn tshiùnn siánn-mi̍h
你唱我就綴
lí tshiùnn guá tsiū tè
你佮我趁今宵
lí kah guá thàn kim-siau
盡量開心花
tsīn-liōng khui sim-hue

酒女面容若親像
tsiú-lú bīn-iông ná-tshin-tshiūnn
可愛冤仇人
khó-ài uan-siû-lâng
酒場規暝鬧無停
tsiú-tiûnn kui-mî nāu bô-thîng
迷醉人幻夢
bê-tsuì lâng huàn-bāng
你是毋倚來嗎？
lí sī m̄ uá--lâi mah?
欲送我出帆
beh sàng guá tshut-phâng
你我乾杯笑啥物
lí guá kan-pue tshiò siánn-mi̍h
何必帶苦痛
hô-pit tài khóo-thàng
你佮我愛輕鬆
lí kah guá ài khin-sang
互相知輕重
hōo-siong tsai-khin-tāng