懷念之夜

原自日語歌曲 チャイナ・タンゴ

作詞：陳和平
作曲：夏端齡

懷念的小路，難忘的暗瞑；
陪伴著愛人，行來又行去。
唱彼條情歌，講彼句情話；
溫柔風含情，帶意微微吹不離。

難忘的人，你去叨位；
難忘的人，因何害阮心稀微？

昨瞑又眠夢，今夜又眠夢；
夢見著你，我初戀甘蜜的情意。
懷念的小路，難忘的暗瞑，
月娘也心情憂悶伴阮過深更。

懷念的河邊，快樂的暗瞑；
坐一集小船，劃來又劃去。
唱彼條情歌，講彼句情話，
水流也輕聲細說歡迎好情侶。

難忘的人，你去叨位；
難忘的人，因何將阮放忘記？

彼瞑的春夢，今夜的春夢，
已經是變成一段傷心的回憶。
懷念的河邊，快樂的暗瞑，
只有阮走來聽著秋蟲的哀啼。