伴

作詞：林俊逸
作曲：林俊逸

夕陽為街路點胭脂
紅霞一下著滿滿規片天
家家戶戶暗頓煮食的芳味
佇塗跤的背影是我家己

看人悲傷歡喜跋倒閣徛起
笑笑面對世間的稀微

一雙箸一個人一桌菜一支喙
一頓飯一個願一世人一個字

你的故事有我的心聲
我的歌聲有你的悲歡
三五分鐘目屎笑容咱公家一半
一人一半有伴著袂孤單

走唱到今毋知偌濟冬
我攑“麥克” 分擔你的心情

一條路一段情一片天一支喙
一首歌一段詩一世人一個字

一條路一段情一個家咱鬥陣來扞
你的手予我來牽一世人一個伴

感謝你做我的伴聽我唱歌
聽我唱歌聽我唱歌