口花花 歌詞
(原自日本歌曲'グッド・ラック')
作詞：方言
作曲：筒美京平
口花花講野系當玩，偏偏講錯亦當啱，
口花花亂唱亂贊，口花花亂唱亂彈。
太放肆，會有困難，亂咁講你會撞板，
對待人，應該忍讓，大力咁劈一定會爛。
成就往往有極限，得志咪太持勢專橫，
如係要咬，咪太大啖，就算忍，忍不得亦喊。
對與錯，判斷最難，習慣咗，錯亦變啱，
一生中匆促短暫，人情物理極麻煩。
口花花講野系當玩，偏偏講錯亦當啱，
口花花亂唱亂贊，口花花亂唱亂彈。
太放肆，會惹麻煩，亂咁講你會撞板，
對待人，豈可輕慢，大力咁劈一定會爛。
成就往往有極限，講笑咪太持勢專橫，
如係要咬，咪太大啖，就算忍，忍不得亦喊。
對與錯，判斷最難，習慣咗，錯亦變啱，
一生中匆促短暫，人情物理極麻煩。