來相褒

feat. 張雅淳

作詞：邵大倫、武雄
作曲：邵大倫

男：講著古早古早阮阿公咧奅阿媽
彼首相褒的歌聽起來足有感覺
in好奇哪會這馬少年家咧奅姼仔
攏唱別人的歌無一句是家己寫

男：這爿看過彼爿山阿娘仔挽茶愛小心行
山路是彎彎有夠崎上好你是來予阮tshuā

合：來相褒來相褒oh oh 來相褒來相褒唱落
來相褒來相褒oh oh 每日無煩惱無煩惱快樂

女：這爿看過彼爿崙阿君仔生做是圓滾滾
人有福氣就免英俊緣分我早就先註文

合：來相褒來相褒oh oh 來相褒來相褒唱落
來相褒來相褒oh oh 每日無煩惱無煩惱快樂

男：彼陣的人攏蓋幼秀毋過唱歌真大膽
阿公娶著阮阿媽兩人認真過生活

女：講著這馬這馬時代的變化真大
彼首相褒的歌誰佮阮來唱一段

男：我講這位小姐你心事我攏知影
這首相褒的歌換咱來唱予人聽

合：這爿看過彼爿去看到阿娘(君)仔心歡喜
緣分若到免躊躇情歌咱緊來唱仝Key

合：來相褒來相褒oh oh來相褒來相褒唱落
來相褒來相褒oh oh 每日無煩惱無煩惱快樂

來相褒來相褒oh oh 來相褒來相褒唱落
來相褒來相褒oh oh 每日無煩惱無煩惱快樂