返來恁身邊

作詞：蕭煌奇/陳莉莉
作曲：蕭煌奇

離開故鄉有歸十年阮定定想到彼段難忘的過去
置夢中攏會甲恁來見面
會記得彼年的夏天我欲去真遠的冬天
恁的溫情伴阮飛過千里

為著理想來到台北市一個人過著簡單的日子
阮心內有時會感覺真稀微
打工恁打電話給我攏會問我今嘛甘有吃飽
請恁放心我會照顧我自己

親愛的爸爸媽媽只要恁平安快樂過日子
不需要擱計較什麼再大的風雨攏會過去
返來恁身邊看你有一日我一定會出頭天
倒返去甲恁來團圓陪伴置恁身邊袂來甲分開

為著理想來到台北市阮嘛慢慢會通慣習
阮感謝恁的鼓勵甲支持請恁著愛保重自己

不通擱為阮來掛意請恁相信我要乎恁一片天

《轉來恁身邊》Tńg-lâi Lín Sin-pinn
蕭煌奇Siau Hông-kî

離開故鄉有規十年
lī-khui kòo -hiong ū kui tsa̍p nî
阮定定想著
gún tiānn-tiānn siūnn-tio̍h
彼段難忘的過去
hit tuānn lân-bōng ê kuè-khì
佇夢中攏會佮恁來見面
tī bāng-tiong lóng ē kah lín lâi kìnn-bīn
會記得彼年的夏天
ē-kì-tit hit nî ê hā-thinn
我欲去真遠的冬天
guá beh khì tsin hn̄g ê tang-thinn
恁的溫情
lín ê un-tsîng
伴阮飛過千里
phuānn gún pue kuè tshian-lí

為著理想來到台北市
uī-tio̍h lí-sióng lâi-kàu Tāi-pak-tshī
一個人過著簡單的日子
tsi̍t-ê-lâng kuè tio̍h kán-tan ê ji̍t-tsí
阮心內有時會感覺真稀微
gún sim-lāi ū-sî ē kám-kak tsin hi-bî
逐工恁敲電話予我
lín ta̍k-kang khà-tiān-uē hōo guá
攏問我這馬敢有食飽
lóng mn̄g guá tsit-má kám ū tsia̍h-pá
請恁放心
tshiánn lín hòng-sim
我會照顧我家己
guá ē tsiàu-kòo guá ka-kī

親愛的爸爸媽媽
tshin-ài ê pá-pah má-mah
只要恁平安快樂過日子
tsí-iàu lín pîng-an khuài-lo̍k kuè ji̍t-tsí
無需要閣計較啥物
bô su-iàu koh kè-kàu siánn-mih
再大的風雨攏會過去
tsài tuā ê hong-hōo lóng ē kuè-khì
轉來恁身邊看你
tńg-lâi lín sin-pinn khuànn lí
有一日我一定會出頭天
ū-tsi̍t- ji̍t guá it-tīng ē tshut-thâu-thinn
倒轉去佮恁來團圓
tò-tńg-khì kah lín lâi thuân-înn
陪伴佇恁身邊
puê-phuānn tī lín sin -pinn
袂來佮恁分開
buē lâi kah lín hun-khui

為著理想來到台北市
uī-tio̍h lí-sióng lâi-kàu Tāi-pak-tshī
阮嘛慢慢會當慣勢
gún mā bān-bān ē-tàng kuàn-sì
阮感謝恁的鼓勵佮支持
gún kám-siā lín ê kóo-lē kah tsi -tshî
請恁著愛保重家己
tshiánn lín tio̍h-ài pó-tiōng ka-kī
毋通閣為阮來掛意
m̄-thang koh uī gún lâi kuà-ì
請恁相信
tshiánn lín siong-sìn
我欲予恁一片天
guá beh hōo lín tsi̍t-phìnn thinn

親愛的爸爸媽媽
tshin-ài ê pá-pah má-mah
只要恁平安快樂過日子
tsí-iàu lín pîng-an khuài-lo̍k kuè ji̍t-tsí
無需要閣計較啥物
bô su-iàu koh kè -kàu siánn-mih
再大的風雨攏會過去
tsài tuā ê hong-hōo lóng ē kuè-khì
轉來恁身邊看你
tńg-lâi lín sin-pinn khuànn lí
有一日我一定會出頭天
ū-tsi̍t-ji̍t guá it-tīng ē tshut-thâu-thinn
倒轉去佮恁來團圓
tò-tńg-khì kah lín lâi thuân- înn
陪伴佇恁身邊
puê-phuānn tī lín sin-pinn
袂來佮恁分開
buē lâi kah lín hun-khui