傷心淚

作詞：郭之儀
作曲：郭之儀
編曲：鄧易萬

你的心肝嘸通擱講你愛我
阮的心肝已經是乎你騙甲驚
這款生活阮過甲提心吊膽
為你犧牲麻得無人疼

你的被單有一張誰的批紙
你眠床腳有一雙別人的淺拖
純情的你欲哪會變甲這呢可怕
你對阮要怎樣解釋啦

別人的愛放心肝將阮的愛趕出門口埕
聲聲句句講你尚愛我
傷心的淚擦乎幹傷心的話甭擱講啦
感情搏到這請你走啦

------------------ ------------------------

《傷心淚》Siong-sim-luī
孫淑媚Sun Siok-bī

你的心肝
lí ê sim-kuann
毋通閣講你愛我
m̄-thang koh kóng lí ài guá
阮的心肝
gún ê sim-kuann
已經是予你騙甲驚
í-king sī hōo lí phiàn kah kiann
這款生活
tsit khuán sing-ua̍h
阮過甲提心吊膽
gún kuè kah thê- sim tiàu-tánn
為你犧牲
uī lí hi-sing
嘛得無人疼
mā tit bô-lâng thiànn

你的被單
lí ê phuē -tuann
有一張誰的批紙
ū tsi̍t-tiunn siáng ê phue-tsuá
你眠床跤
lí bîn-tshn̂g-kha
有一雙別人的淺拖
ū tsi̍t-siang pa̍t-lâng ê tshián-thua
純情的你
sûn-tsîng ê lí
欲哪會變甲遮爾可怕
beh-ná-ē piàn kah tsiah-nī khó -phà
你對阮欲怎樣解說啦
lí tuì gún beh tsuánn-iūnn kái-sueh--lah

別人的愛囥心肝
pa̍t-lâng ê ài khǹg sim- kuann
將阮的愛趕出門口埕
tsiong gún ê ài kuánn tshut mn̂g-kháu-tiânn
聲聲句句講你上愛我
siann-siann-kù-kù kóng lí siōng ài guá
傷心的淚拭予焦
siong-sim ê luī tshit hōo ta
傷心的話莫閣講啦
siong-sim ê uē mài koh kóng--lah
感情跋到遮
kám-tsîng pua̍h kàu tsia
請你走啦
tshiánn lí tsáu--lah