阿松哥

《阿松哥》A-siông-ko
葉啟田Ia̍p Khé-tiân

田莊來的阿松哥
tshân-tsng lâi ê A-siông-ko
東西南北人呵咾
tang-sai-lâm-pak lâng o-ló
啊肚大面圓啊
ah tóo tuā bīn înn--ah
親像阿不倒
tshin-tshiūnn A -put-tó
啊古錐老實又可靠
ah kóo-tsui láu-si̍t iū khó-khò
到處小姐對伊好
tò-tshú sió-tsiá tuì i hó
叫一聲阿松哥
kiò tsi̍t-siann A-siông-ko
哎喲~害伊見笑
aih-iooh~ hāi i kiàn-siàu
面紅身軀軟膏膏
bīn âng sin-khu nńg-kô-kô

田莊出身阿松兄
tshân-tsng tshut-sin A-siông-hiann
東西南北四界行
tang-sai-lâm- pak sì-kè kiânn
啊安份守己
ah an-hūn-siú-kí
善良有名聲
siān-liông ū miâ-siann
啊骨力勤快又拍拼
ah kut-la̍t khîn-khuài iū phah-piànn
大人囡仔人人疼
tuā-lâng gín-á lâng-lâng thiànn
叫一聲阿松兄
kiò tsi̍t-siann A-siông-hiann
哎喲~害伊歡喜
aih-iooh~ hāi i huann-hí
哈哈笑出聲
ha-ha tshiò tshut-siann