蝶影紅梨記

作詞：蘇翁
作曲：古曲
編曲：週熾楷

copyright control

生唱：綺夢花春冰排愁未慣千杯勝
生白：素秋素秋
生唱：紅樓月色醉看份外明園外孤清荒涼曲折紅梨徑
庭外我孤單低喚空對月嘆孤零
我自傷情我為愛傷情癡人早有恨壓傷心嶺
旦唱：他不羨白馬簪纓他迷惑黃梁夢境
憐他深宵人不寐憐他憔悴為癡情
我李代桃彊三載埋名姓
他悼紅悲翠千日里喚盡小名
一日積一寸相思三載深情難追認
旦白：想我與姨丈也曾約法三章
佢要我鎖閉梨門不能偷逾嘅
我此際意欲過園解慰
又怕失信於人這這教我如何是好呢

生白：啊點解呢隻紅蝴蝶對住我徘徊不去架呢
唔通呢只蝴蝶就係素秋嘅魂魄似啦
生唱：魂化蝶舞影蝶似魄形成
魂魄夜半飄舞白玉亭飄渺渺似是來慰我孤清
生白：系咁就不枉我斷腸相思啦
生唱：秋夜墓門今夜素秋化蝶來慰話餘情
生白：哎吔素秋嘅魂魄飛嚇飛嚇飛咗過隔離添
唔得我追過去至得
旦白：弊啦痴秀才撲蝶追過園來添
咁咁點算呢
生白：哎吔
旦白：秀才你你要尊重些
生白：姑娘姑娘我方才追住一隻紅蝴蝶
明明見佢飛落妳紅裙之下嘅故而匆忙尋找咋
旦白：紅裙之畔紅蝴蝶我就唔見啦我只係見
旦唱：裙畔不見紅蝴蝶只見鬼靈精
生白：方才險些唐突姑娘俾妳鬧兩句都好應該嘅
唉素秋妳嘅魂魄飛咗去邊到呀唉
生唱：若憐我癡狂快些出現顯靈性
生白：素秋
旦白：啊你開口一句鬼魂埋口又一句鬼魂
咁你到底系揾鬼魂呀定抑或系揾蝴蝶架