最後的談判

作詞：黃敏
作曲：黃敏

我我不願甲你分開不願甲你拆分開
因為我一切全部獻給你因為我太愛你
我我不是假情假義我是真心對待你
到現在你來提議要分開到底是什代誌

你你應該對我表明到底為著什原因
你害我每日心情袂安定你害我心頭凝
你你敢是真正決心想要甲我斷了情
我為你無惜一切來犧牲你應該會分明

我我請你最後一次擱再甲我講看覓
我懷疑有人替你塊安排是什人來阻礙
我我知影你也每日抱著痛苦在心內
希望你相信我的真情愛不驚人來阻礙

---------------------------------------- --

《最後的談判》Tsuè-āu ê Tâm-phuànn
洪一峰Âng It-hong

我我毋願佮你分開
guá guá m̄-guān kah lí hun-khui
毋願佮你拆分開
m̄-guān kah lí thiah hun-khui
因為我一切
in-uī guá it-tshè
全部獻予你
tsuân-pōo hiàn hōo lí
因為我太愛你
in-uī guá thài ài lí

我我毋是假情假義
guá guá m̄-sī ké -tsîng ké-gī
我是真心對待你
guá sī tsin-sim tuì-thāi lí
到現在
kàu hiān-tsāi
你來提議欲分開
lí lâi thê-gī beh hun-khui
到底是啥代誌
tàu-tué sī siánn tāi-tsì

你你應該對我表明
lí lí ìng-kai tuì guá piáu- bîng
到底為著啥原因
tàu-tué uī-tio̍h siánn guân-in
你害我
lí hāi guá
每日心情袂安定
muí-ji̍t sim- tsîng buē an-tīng
你害我心頭凝
lí hāi guá sim-thâu gîng

你你敢是真正決心
lí lí kám-sī tsin-tsiànn kuat-sim
想欲佮我斷了情
siūnn-beh kah guá tuān liáu tsîng
我為你
guá uī lí
無惜一切來犧牲
bô-sioh it-tshè lâi hi-sing
你應該會分明
lí ìng-kai ē hun-bîng

我我請你最後一次
guá guá tshiánn lí tsuè-āu tsi̍t-tshù
閣再佮我講看覓
koh-tsài kah guá kóng khuànn-māi
我懷疑
guá huâi-gî
有人替你咧安排
ū-lâng thè lí teh an-pâi
是啥人來阻礙
sī siánn-lâng lâi tsóo-gāi
我我知影你也每日
guá guá tsai-iánn lí iā muí-ji̍t
抱著痛苦在心內
phō tio̍h thàng-khóo tsāi sim-lāi
希望你相信
hi-bōng lí siong-sìn
我的真情愛
guá ê tsin tsîng-ài
毋驚人來阻礙
m̄-kiann lâng lâi tsóo-gāi