女人的願望

作詞：子儒
作曲：子儒

已經有一些年歲身邊朋友嘛攏出嫁
靠人介紹幾啊個
看無甲意只好繼續找

時大是煩惱幾落眠阮嘛嘸願閃避問題
女人青春漸漸過
緣分何時乎阮一個家

等哪等等無愛的人日子勒過一工一工
天公伯啊那會這無通趕緊乎阮有人疼痛

等哪等等無好的人阮嘛只好向天寄望
順其自然相信有一工
阮的願望袂變成空

----------------------------------- -------

9516/《女人的願望》Lú-jîn ê Guān-bōng
蔡以真Tshuà Í-tsin(蔡麗津Tshuà Lē-tin)

已經有一寡年歲
í-king ū tsi̍t-kuá nî-huè
身邊朋友嘛攏出嫁
sin-pinn pîng-iú mā lóng tshut-kè
靠人介紹幾若個
khò lâng kài-siāu kuí-ā ê
看無佮意
khuànn-bô kah-ì
只好繼續揣
tsí-hó kè-sio̍k tshuē

序大是煩惱幾若暝
sī-tuā sī huân-ló kuí-lō mê
阮嘛毋願閃避問題
gún mā m̄-guān siám-pī būn-tê
女人青春漸漸過
lú-jîn tshing-tshun tsiām-tsiām kuè
緣份何時予阮一個家
iân-hūn hô-sî hōo gún tsi̍t-ê ke

等啊等
tán --ah tán
等無愛的人
tán bô ài ê lâng
日子咧過
ji̍t-tsí leh kuè
一工一工
tsi̍t-kang tsi̍t-kang
天公伯仔哪會遮無通
thinn-kong-peh--á ná ē tsiah bô-thang
趕緊予阮有人疼痛
kuánn-kín hōo gún ū-lâng thiànn-thàng

等啊等
tán--ah tán
等無好的人
tán bô hó ê lâng
阮嘛只好向天寄望
gún mā tsí-hó hiòng thinn kià-bāng
順其自然
sūn-kî tsū-jiân
相信有一工
siong-sìn ū tsi̍t-kang
阮的願望
gún ê guān-bāng
袂變成空
buē piàn-sîng khang