機會機會

作詞：俞隆華
作曲：俞隆華

做人若一點點超過會給人講甲全是話
講話若淡薄帶笑料這嘛是又擱有問題

社會要靠關係關係要靠機會
機會社會已經無地找

身軀若有錢全姿勢看人是目睭革花花
身軀若無錢頭犛犛嘛給人講咱無大無小

做人若一斯斯錯過會給人看咱無目地
做事若淡薄出問題恐驚你機會隨風飛

《機會機會》Ki- huē Ki-huē
葉啟田Ia̍p Khé-tiân

做人若一點點仔超過
tsò-lâng nā tsi̍t-tiám-tiám-á tshiau-kuè
會予人講甲全是話
ē hōo-lâng kóng kah tsuân sī uē
講話若淡薄仔帶笑詼
kóng-uē nā tām-po̍h-á tuà tshiò-khue
這嘛是又閣有問題
tse mā sī iū-koh ū būn-tuê

社會愛靠關係
siā-huē ài khò kuan-hē
關係愛靠機會
kuan-hē ài khò ki -huē
機會
ki-huē
社會已經無地揣
siā-huē í-king bô-tè tshuē

身軀若有錢全姿勢
sin- khu nā ū-tsînn tsuân tsu-sè
看人是目睭激花花
khuànn-lâng sī ba̍k-tsiu kik hue-hue
身軀若無錢頭犁犁
sin-khu nā bô-tsînn thâu lê-lê
嘛予人講咱
mā hōo-lâng kóng lán
無大無細
bô-tuā-bô-sè

做人若一屑屑仔錯過
tsò-lâng nā tsi̍t-sut-sut-á tshò-kuè
會予人看咱無目地
ē hōo-lâng khuànn lán bô-ba̍k-tē
做事若淡薄仔出問題
tsuè-sū nā tām-po̍h-á tshut būn-tuê
恐驚你機會隨風飛
khióng-kiann lí ki-huē suî hong pue

社會愛靠關係
siā-huē ài khò kuan-hē
關係愛靠機會
kuan-hē ài khò ki-huē
機會
ki-huē
社會已經無地揣
siā-huē í-king bô-tè tshuē

身軀若有錢全姿勢
sin-khu nā ū-tsînn tsuân tsu-sè
看人是目睭激花花
khuànn-lâng sī ba̍k-tsiu kik hue-hue
身軀若無錢頭犁犁
sin-khu nā bô-tsînn thâu lê-lê
嘛予人講咱
mā hōo -lâng kóng lán
無大無細
bô-tuā-bô-sè