好眼訓

<<好眼訓>>
[警告] 晚睡有害健康PG-12家長指引.
詞/曲/編/唱/錄/混: 暴斯
sample來自Paul Hardcastle 的< You May Be Gone>
verse1
不自覺雙眼會合埋
突然睜開心跳會加快
眼訓未訓嘅邊界
打完喊勞依然想合翻埋意識就快消失曬
我，再嚮往後調一調凳pen
但係依然要睇到個電腦屏幕咁硬頸
周公係咁哎我個名
可唔可以停一停其實我冇諗住通頂
任何地方都可以釣魚
大課室，圖書館，咖啡廳，只要你坐住
你嘅青春唔到你作主
而你要訓覺連你都冇辦法阻住
停唔到嘅睡意
懸樑刺股嘅大志
但人總有一時大意
已經進入夢境然而當事人未知
又好似有d朦朧美
想休息，想繼續，想訓低，想唔起
又好似差唔多想猝死
穩唔到原因，想唔理
坐住發曬藕鬥玩緊手機突然鬆手
疲勞地放鬆, 身體為心靈遷就
只有呢幾個鐘嘅時間自己由自己佔有
捱夜係對生活不滿嘅出口
呢個鐘數可能你仲忙緊
可能佢係酒精同噪音之中亢奮
可能你有, 個電話講緊
可能你又不由自主諗緊一d事一個人
講完晚安早抖, 又打開手游
隨便玩玩做個日常咁又一個鐘頭
玩完, 日日都要, 早起
聽講, 睡眠不足會, 早死
verse2
反复講抓緊抓緊從未強調放鬆
繁瑣嘅生活抓緊你無論放學定放工
當然, 我敢保證大部分人
大部分時間未真正將時間抓緊
被推住走嘅人生
終日抱怨自己無法掌握命運但講真
可能已經達到佢所能夠達到嘅平衡
唔去改變生活只係係度等
不滿足於現狀同時不打算經歷跌宕
開放式嘅答題方式無非都係果幾個選項
新年願望又係身體健康講咗等於冇講
飲多碗雞湯鬥志激昂然後繼續上網
休息時間太短, 工作時間太長
太少了份糧對唔住太多嘅工作量
擁有得越多越要增加背負嘅重量
你乜都唔肯放低有乜嘢資格同我講夢想?