爱人追想曲

作词：郭大诚
作曲：郭大诚

身穿彼袭黑西装　　约束爱人仔扇东风
真情不敢讲　惊惊未大方
爱人仔笑阮草地宋
实在真冤枉　　给阮真失望
枉费阮是多情郎　啊...
害阮初恋心茫茫

约束爱人仔欲散步　台北走去三重埔
身躯无半块　只好用走路
走到半路煞落雨
沃甲淡糊糊　气甲面教焦黑
害伊转去煞感冒　啊...
想阮初恋真艰苦

三天看无爱人伊　不知发生啥代志
听人块讲起　爱人仔著大病
害阮赶紧请先生
带去伊身边　爱人仔气半死
骂阮真是神经病　啊...
想阮初恋真趣味

------------------------------------------

《爱人追想曲》Ài-jîn Tui-sióng-khik
郭大诚Kueh Tāi-sîng

身穿这躯乌西装
sin tshīng tsit su oo se-tsong
约束爱人仔搧东风
iok-sok ài-jîn-á siàn tang-hong
真情毋敢讲
tsin-tsîng m̄-kánn kóng
惊惊袂大方
kiann-kiann buē tāi-hong
爱人笑阮草地倯
ài-jîn tshiò gún tsháu-tē-sông
实在真冤枉
si̍t-tsāi tsin uan-óng
予阮真失望
hōo gún tsin sit-bōng
枉费阮是多情郎
óng-huì gún sī to-tsîng-lông
啊~害阮初恋心茫茫
ah~~ hāi gún tshoo-luân sim bông-bông

约束爱人欲散步
iok-sok ài-jîn beh sàn-pōo
台北行去三重埔
Tâi-pak kiânn khì Sann-tîng-poo
身躯无半箍
sin-khu bô puànn-khoo
只好用行路
tsí-hó iōng kiânn-lōo
行到半路煞落雨
kiânn kàu puànn-lōo suah lo̍h-hōo
沃甲澹糊糊
ak kah tâm-kôo-kôo
气甲面齐乌
khì kah bīn tsiâu oo
害伊转去煞感冒
hāi i tńg--khì suah kám-mōo
啊~想阮初恋真艰苦
ah~~ siūnn gún tshoo-luân tsin kan-khóo

三工看无爱人伊
sann-kang khuànn bô ài-jîn i
毋知发生啥代志
m̄-tsai huat-sing siánn tāi-tsì
听人咧讲起
thiann lâng teh kóng-khí
爱人仔著大病
ài-jîn-á tio̍h tuā-pīnn
害阮赶紧请先生
hāi gún kuánn-kín tshiánn sian-sinn
𤆬去伊身边
tshuā khì i sin-pinn
爱人仔气半死
ài-jîn-á khì puànn-sí
骂阮真是神经病
mā gún tsin sī sîn-king-pīnn
啊~想起初恋真趣味
ah~~ siūnn-khí tshoo-luân tsin tshù-bī