野流星(黄凤仪)

《野流星》Iá Liû-tshinn
黄凤仪N̂g Hōng-gî

闪烁的野流星
siám-sih ê iá liû-tshinn
生活在乌暗天
sing-ua̍h tsāi oo-àm thinn
无论海角抑天边
bô-lūn hái-kak ia̍h thinn-pinn
照亮别人燃烧自己
tsiàu-liāng pa̍t-lâng jiân-sio tsū-kí

浪漫的野流星
lōng-bān ê iá liû-tshinn
飞来飞去娇滴滴
pue-lâi-pue-khì kiau-tih-tih
有爱的人放伊去
ū ài ê lâng pàng i khì
无情的人膏膏缠
bô-tsîng ê lâng ko-ko-tînn

散赤书生
sàn-tsiah su-sing
你毋通袂记
lí m̄-thang buē-kì
伊陪你读册读规暝
i puê lí tha̍k-tsheh tha̍k kui-mî
江湖兄弟
kang-ôo hiann-tī
你毋通袂记
lí m̄-thang buē-kì
伊陪你走路走规暝
i puê lí tsáu-lōo tsáu kui-mî
忽然形影消失去
hu̍t-jiân hîng-iánn siau-sit--khì
无奈为伊心伤悲
bô-nāi uī i sim siong-pi

淡恨月圆
tām hūn ge̍h înn
轻怨冬天
khin uàn tang-thinn
沐雨栉风
bo̍k-ú tsiat-hong
漂泊千里
phiau-po̍k tshian-lí
可爱可怜的野流星
khó-ài khó-liân ê iá liû-tshinn