亚灿自叹

作词：梁山人
作曲：古曲

为逃亡　怎知是蚕自困
偷到香港谋生　想起真太笨

(个个都话香港系天堂㖞)

不惜冒着暴雨严寒　水上浮漂个心又震
实在唔死我都真够运　不少同志浸死空抱恨

(唉以为话大难不死　必有后福
点知游咗上岸　仲心惊胆跳添呀)

在荒山暂避隐　我又怕官兵追近　唯有系昼伏和夜行
挨尽了饥渴　沉痛暗断魂
逃避过灾劫松返一阵　能混进都市更开心
唯学蛇入窦喇　无奈何作黑市嘅移民

(唉人偷渡　我又去学人偷渡
早三五年嚟就话有个身份证啫
而家都无身份证发咯
行街我又惊警察拉　做工又无人请　点死呢)

做移民　身中若无绿印
想到工厂做工　你盏得个恨

(请我　边个肯犯法呀)

食住着和行　兼共茶烟几样瘾
唉焗住静静出街通处混　希望能搏点小侥幸

(唉识啱班衰人　初初叫我去打劫　我都唔敢嘅
但系肚饿又挨得几耐呢　唔好话打劫呀　㓥人都去呀)

问本心实未敢　却为了逼于生活　无奈要做个亡命人
谁料咁啱线　行劫会被擒
惩罚判监禁终生抱撼　牢狱里苦困怎翻身
谁愿来怜悯　唯自长叹　识错班坏人