初恋梦

正月十五上元暝
炮声锣鼓喜冲天
弄龙弄狮满街市
自透早到深更
彼日阮来见着伊
一时心头乱想你
见笑归面红吱吱
真可惜不知伊名字

五月初五扒龙船
河边男女乱纷纷
船头锣声无休困
自中逗到黄昏
忽然伊有问著阮
想欲甲伊来亲近
又搁惊人来议论
经过后怨叹无缘份

八月十五中秋暝
清风吹来清凉味
红男绿女满满是
在山仑赏月圆
其实月光照着伊
面容无人来看见
向前行偎伊身边
想欲问声煞吞落去

------------------------------------------

《初恋梦》Tshoo-luân-bāng
张淑美Tiunn Siok-bí

正月十五上元暝
tsiann-ge̍h tsa̍p-gōo Siōng-guân-mî
炮声锣鼓喜冲天
phàu-siann lô-kóo hí tshiong-thinn
弄龙弄狮满街市
lāng-lîng lāng-sai muá kue-tshī
自透早到深更
tsū thàu-tsá kàu tshim-kinn
彼日阮来见着伊
hit ji̍t gún lâi kìnn-tio̍h i
一时心头乱想逐
tsi̍t-sî sim-thâu luān siūnn jip
见笑规面红记记
kiàn-siàu kui bīn âng-kì-kì
真可惜毋知伊名字
tsin khó-sioh m̄-tsai i miâ-jī

五月初五扒龙船
gōo-ge̍h tshue-gōo pê-lîng-tsûn
河边男女乱纷纷
hô-pinn lâm-lú luān hun-hun
船头锣声无歇困
tsûn-thâu lô-siann bô hioh-khùn
自中昼到黄昏
tsū tiong-tàu kàu hông-hun
忽然伊有问著阮
hut-jiân i ū mn̄g tio̍h gún
想欲佮伊来受问
siūnn-beh kah i lâi siū-būn
又阁惊人来议论
iū-koh kiann lâng lâi gī-lūn
经过后怨叹无缘份
king-kè āu uàn-thàn bô iân-hūn

八月十五中秋暝
pueh-ge̍h tsa̍p-gōo Tiong-tshiu-mî
清风吹来清凉味
tshing-hong tshue lâi tshing-liâng bī
红男绿女满满是
hông-lâm li̍k-lú muá-muá-sī
在山仑赏月圆
tsāi suann-lūn siúnn ge̍h-înn
其实月光照着伊
kî-si̍t ge̍h-kng tsiò tio̍h i
面容无人来看见
bīn-iông bô-lâng lâi khuànn-kìnn
向前行倚伊身边
hiòng-tsiân kiânn uá i sin-pinn
想欲问声煞吞落去
siūnn-beh mn̄g siann suah thun--lo̍h-khì