碎碎念

作词：林芳宜/谢明训
作曲：陈柏全
编曲：陈飞午

看到你写来的批　只有短短两句话
想起过去才了解　我得到你的爱有外多

三年又搁三个月　这段日子无算短
想起你的约束　我若无嫁你无娶　咱就作伙

时间改变　所有一切
少年囝仔话　尚好是放心底

你爱碎碎唸甲阮做阵　你讲永远将我放第一
将你当作是知己　不曾注意你想啥咪
你爱碎碎唸甲阮做阵　我无斟酌听你的表示
这呢多年拢过去　想起你　咸酸甜的滋味

------------------------------------------

《踅踅唸》Se̍h-se̍h-liām
孙淑媚Sun Siok-bī

看着你写来的批
khuànn-tio̍h lí siá lâi ê phue
只有短短两句话
tsí-ū té-té nn̄g-kù uē
想起过去才了解
siūnn-khí kuè-khì tsiah liáu-kái
我得着你的爱
guá tit-tio̍h lí ê ài
有偌济
ū guā-tsuē

三年又阁三个月
sann-nî iū-koh sann-kò gue̍h
这段日子无算短
tsit tuānn ji̍t-tsí bô sǹg té
想起你的约束
siūnn-khí lí ê iok-sok
我若无嫁你无娶
guá nā bô kè lí bô tshuā
咱就做伙
lán tiō tsuè-hué
时间改变所有一切
sî-kan kái-piàn sóo-ū it-tshè
少年囡仔话
siàu-liân gín-á uē
上好是囥心底
siōng-hó sī khǹg sim-té

你爱踅踅唸佮阮做阵
lí ài se̍h-se̍h-liām kah gún tsuè-tīn
你讲永远将我囥第一
lí kóng íng-uán tsiong guá khǹg tē-it
将你当做是知己
tsiong lí tòng-tsuè sī ti-kí
毋捌注意你想啥物
m̄-bat tsù-ì lí siūnn siánn-mih

你爱踅踅唸佮阮做阵
lí ài se̍h-se̍h-liām kah gún tsuè-tīn
我无斟酌听你的表示
guá bô tsim-tsiok thiann lí ê piáu-sī
遮尔济年拢过去
tsiah-nī tsuē nî lóng kuè-khì
想起你
siūnn-khí lí
咸酸甜的滋味
kiâm-sng-tinn ê tsu-bī