An Mhaighdean Mhara

Is cosúil gur mheath tú
Nó gur thréig tú an greann
Tá an sneachta go frasach
Fá bhéal na mbeann
Do chúl buí daite is do bhéilín sámh
Siúd chugaibh Mary Chinidh is
Í i ndiaidh an Éirne shnámh

'A mháithrín mhilis
Dúirt Máire Bhán
Fá bhruach an chladaigh is fá bhéal na trá
'Maighdean mhara mo mháithrín ard
Siúd chugaibh Mary Chinidh is
Í i ndiaidh an Éirne 'shnámh

Tá mise tuirseach agus beidh go lá
Mo Mháire bhruinneall is mo Phádraig bán
Ar bharr na dtonnta is fá bhéal na trá
Siúd chugaibh Mary Chinidh is
í i ndiaidh an Éirne 'shnámh
Ar bharr na dtonnta is fá bhéal na trá
Siúd chugaibh Mary Chinidh is
í i ndiaidh an Éirne 'shnámh