ABC 小姐

作词：陈剑云
作曲：古曲

Abc哗够轰动 皆因姐仔去法庭做证供
去听审仲过瘾过睇生春宫 为了睇清楚佢嘅面容

拎埋望远镜 咸虫共串女逼逼贡
哗供词哎呀够邋遢 就算捞女听咗会面红

鸡仔凤损失最惨重 皆因一切都被人尽骗空
钱生偷拍艳照好阴功 阿凤为了贪钱就变咗贫穷

钱sir勒索几十万㖞 阿凤又无现金按楼将钱送
否则沙龙墟市中 就算委屈啲都要顺从

B小姐真系无鬼用 竞选得就咗就学人做秘捞
结果佢做到乌喱单刀 又无quali去学人蒲
讲明系有楼送 原来系烂鬼发噏疯
嗒呀完仲未算数 就算啲房租都要佢代劳

C小姐好似发星梦 为争主角去露毛露胸
献身畀大制片佢懵懵懂 话会担保佢一炮而红
点知讲完就算鬼数 甜头食咗跟手失踪
慕虚荣系无乜着数 后悔当初太乱笼

(呢嗱嗰个乜乜芬小姐就精啦
当选之后呀 摆生日酒契妈都话贴一百万
其实个中情形 大家都谂得到㗎啦
有人话佢浪费 其实一啲都唔浪费呀
摆酒席费一百万 你话佢收人情礼物几多呢 呢啲就精啦
Abc小姐又唔同啦 做散钟㖞 唉宜家佢哋惨啦)

唉abc真系喊都无用 大家都接大信封
老板仲要佢哋即刻松 为免影响佢电视阵容
分明系太贱格 其实大家有美好嘅前途
因何咁不自爱 为了出钟没晒前途