回头拢是梦(Kala)

8838/《回头拢是梦》Huê-thâu Lóng-sī Bāng
陈盈洁Tân Îng-kiat

咱的目屎
lán ê ba̍k-sái
为谁流规暝
uī siáng lâu kui-mî
人生的故事
jîn-sing ê kòo-sū
亲像一张一张的批
tshin-tshiūnn tsi̍t-tiunn tsi̍t-tiunn ê phue
偌济辛酸
guā-tsuē sin-sng
放予伊飞
pàng hōo i pue
真正爱过的人
tsin-tsiànn ài--kuè ê lâng
算算无几个
sǹg-sǹg bô kuí ê

咱的魂影
lán ê hûn-iánn
为谁醉规暝
uī siáng tsuì kui-mê
光采的过去
kong-tshái ê kuè-khì
亲像一阵一阵云烟
tshin-tshiūnn tsi̍t-tsūn-tsi̍t-tsūn hûn-ian
爱看予清
ài khuànn hōo tshing
放予风吹
pàng hōo hong tshue
真心交陪的人
tsin-sim kau-puê ê lâng
欲去佗位揣
beh khì tó-uī tshuē

踮在人生的月台
tiàm-tsāi jîn-sing ê gua̍t-tâi
感情一站过一站
kám-tsîng tsi̍t-tsām kuè tsi̍t-tsām
踮在虚华的世间
tiàm-tsāi hi-hua ê sè-kan
青春一段过一段
tshing-tshun tsi̍t-tuānn kuè tsi̍t-tuānn
风流一世人
hong-liû tsi̍t-sì-lâng
揣无人疼痛
tshuē bô-lâng thiànn-thàng
才知影
tsiah tsai-iánn
回头拢是一场梦
huê-thâu lóng-sī tsi̍t-tiûnn bāng

踮在人生的月台
tiàm-tsāi jîn-sing ê gua̍t-tâi
感情一站过一站
kám-tsîng tsi̍t-tsām kuè tsi̍t-tsām
踮在虚华的世间
tiàm-tsāi hi-hua ê sè-kan
青春一段过一段
tshing-tshun tsi̍t-tuānn kuè tsi̍t-tuānn
如今一世人
jû-kim tsi̍t-sì-lâng
也是双手空
iā-sī siang-tshiú khang
才看破
tsiah khuànn-phuà
回头拢是一场梦
huê-thâu lóng-sī tsi̍t-tiûnn bāng