迫不得已

作词：阿李
作曲：阿李

十年 二十年

每一年无数嘅人选择和平游行 直到汇聚二百万人

仲有一连串几十万人嘅人链

几百层嘅纸鹤 无数嘅文宣

歌唱着人民嘅期望

尝试过 但系诉求从来得唔到聆听 得唔到回应

制度暴力 一次又一次侵食公众嘅利益

压迫公民嘅权益

人民嘅愤怒从来无褪色 一直被压抑

退无可退 和平表达意见唔会听

从来无尊重过民意 呢个政权唔会惊

用所谓嘅法律建构难以推翻嘅无理制度

用警暴 去滥捕 721 警黑合作都够胆做

就算体制下嘅选举又一次证明民意

人民踢走腐败无能嘅卖港代议士

但系落败又重新被委任官职 港共特色

官官相卫 输送利益 民主无起色 所以

迫不得己 人民走上了街道抗议

同一种意念 还人民自由 同一种意义 还人民公义

极权统治 你粉碎了民主的倡议

人民不惜一切代价 高呼自由公义

政权腐败 对民意不闻不问

呢一种态度不断制造新嘅冲突

用权力设定规则 要人民屈膝

日复一日 独裁继续扭曲事实

所谓嘅破坏 系人民对不公义嘅表态

对暴政嘅反应 用行动去回应

荒谬绝伦嘅法令 无人愿意承认

厌倦制度暴力 厌倦腐败嘅一切权力

漠视民意先系动荡嘅原因

从来民主先系最公平嘅法则

如果分岐可以依靠公投解决

又有边个愿意流血

但系呢个政权一直拒绝承认自由民主嘅可贵

去改革体制

反而打造小圈子制度 去包装帝制

用所谓嘅经济收买权贵 钳制人民思想 变得封闭

维持稳定嘅腐败体系 控制一切

上一个世代不断奉承 出卖良知去借贷

要下一个世代去还债 乜嘢世界

对一个极权保持崇拜

就系因为钱作怪 公义都可以随便贩卖

所以呢个世代逼于无奈 要企出嚟

捍卫普世价值 争取真正嘅民主 制衡权力

希望下一个世代 唔需要博弈

唔需要革命 经历血色嘅战役 所以

迫不得己 人民走上了街道抗议

同一种意念 还人民自由 同一种意义 还人民公义

极权统治 你粉碎了民主的倡议

人民不惜一切代价 高呼自由公义

迫不得己 还人民自由 人民走上了街道抗议

同一种意念 还人民自由 同一种意义 还人民公义

极权统治 还人民自由 你粉碎了民主的倡议 还人民公义

人民不惜一切代价 高呼自由公义

(还人民自由) (还人民公义)
(还人民自由) (还人民公义)