秘密戀情

作詞：武雄
作曲：詹雅雯
編曲：呂紹淳

OP：大信唱片有限公司

＊愛若是驚人知是不是足悲哀秘密的戀情誰人愛
心內有熱情見面像無熟識實在使人感慨

＃愛若是通人知算來嘛足無奈秘密隨時攏愛交代
約會袂自由逗陣嘛抹自在閒話造成傷害

△心愛的人若會知希望伊了解阮的心內
是秘密是公開只要愛有實在不驚無聊的人黑白猜

Repeat ＊,＃

★咱兩個人的未來任何人攏袂當來妨害
是秘密是公開只要愛若原在不管無聊的人黑白猜

Repeat △,★

10433/《祕密戀情》Pì-bi̍t Luân-tsîng
詹雅雯Tsiam Ngá-bûn

愛若是驚人知
ài nā-sī kiann lâng tsai
是毋是足悲哀
sī-m̄-sī tsiok pi-ai
祕密的戀情
pì-bi̍t ê luân-tsîng
啥人愛
siánn-lâng ài
心內有熱情
sim -lāi ū jia̍t-tsîng
見面像無熟似
kìnn-bīn tshiūnn bô si̍k-sāi
實在使人感慨
si̍t-tsāi sú-lâng kám-khài

愛若是通人知
ài nā-sī thong-lâng tsai
算來嘛足無奈
sǹg--lâi mā tsiok bô-nāi
祕密隨時攏愛交代
pì-bi̍t suî -sî lóng ài kau-tài
約會袂自由
iok-huē buē tsū-iû
鬥陣嘛袂自在
tàu-tīn mā buē tsū-tsāi
閒話造成傷害
îng-uē tsō-sîng siong-hāi

心愛的人若會知
sim-ài ê lâng nā ē tsai
希望伊了解阮的心內
hi-bāng i liáu-kái gún ê sim-lāi
是祕密是公開
sī pì-bi̍t sī kong-khai
只要愛有實在
tsí-iàu ài ū si̍t-tsāi
毋驚無聊的人烏白猜
m̄-kiann bô-liâu ê lâng oo-pe̍h tshai

咱兩個人的未來
lán nn̄g-ê lâng ê bī-lâi
任何人攏袂當來妨害
jīm-hô lâng lóng buē-tàng lâi hông-hāi
是祕密是公開
sī pì-bi̍t sī kong-khai
只要愛若原在
tsí-iàu ài nā guân-tsāi
毋管無聊的人烏白猜
m̄-kuán bô-liâu ê lâng oo-pe̍h tshai