苦

大合唱：何茜芸、林倩如、林濬呈、林正慧、陳秋山
作詞：陳政亮
作曲：陳秋山
編曲：曾仁義

囝仔佇海邊仔玩沙，圍成美麗的沙城，
越頭一看，煞予海湧來衝破。
看來淡薄仔趣味，嘻嘻嘩嘩。
波浪起落高下層層踏踏，
一片的白沙嘛無留著啥。

嗯，紅塵繁華，總是陣陣海風來吹散。
嗯，滿天坱埃，連迷就無過去的影跡。

你咱佇世間咧打拼，維持短暫的風華，
越頭一看，只有歲月來折磨。
行過人生的風雨，輸輸贏贏。
情愛來去牽掛死死活活，
命懸一條線是咧追求啥？

嗯，緣份牽連，誰人袂予時間來拆散。
嗯，呼吸之間，誰無佇咧閻羅的名單。

苦，是一個好物件，毋通勉強來逃避，
予咱笑談，予咱開闊，予咱珍惜，予咱感謝。
予咱笑談，予咱開闊，予咱珍惜，予咱感謝。

坱埃──塵埃
連迷──一下子

人間來去，轉瞬如一夜曇花，恩怨情仇、悲歡離合，盡付笑談中。